Ukraine President-in sipai hotu a ban

Ukraine president Voldodymyr Zelenskyy chuan Pathianni khan a sipai senior commander a ban a, a ban chhan erawh a sawilang lo.

President Zelenskyy-a'n a ban tak hi joint force of Ukraine commander, Eduard Moskalyov a ni. Russia ram nena an indo mekah,an ram khawchhak lama, Donbas biala Ukraine sipaite hotu a ni. Nikum-a Russia-in Ukraine a run hnu lawk, March 2022 khan Moskalyov hi a post-ah hian dah a ni.

Joint forces of Ukraine hi kum 2014-a Russia-in Crimea Peninsula a lak hnua Ukraine sorkarin a din a ni. Nikuma Russia-in Ukraine ram a run hnuah Russia sipaite do letna kawngah joint forces hi an pawimawh hle.

Tun thla thla tir lam khan President Zelenskyy chuan an ram defence minsiter Oleksii Reznikov chu thlak a nih tur thu a lo sawi tawh bawk. Defence minister atan hian GUR military intelligence agency hotu, Kyrylo Budanov chu dah a ni dawn a, Reznikov hi ministry dang enkawl tir a ni ang.

Ukraine sipaite hian an ram khawchhak lam bial pahnih, Russia sipaite an laksak chu lak let leh tumin an bei mek. President chuan khawchhak lama an sipaite dinhmun chu a hautakin a harsa hle tih pawh a sawi a ni.