Vietnam Parliament-in President atan Vo Van Thuong thlang

Vietnam Parliament, National Assembly chuan Nilainia an ram president thar atan kum 52 mi, Vo Van Thuong an thlang.

President thlan tura rorellai, Communist Party chuan Thuong hi a nominate a, candidate dang an awm lo. Nilaini khan Parliament-a vote thlakah hian member 488 zinga 487 a tel a ni.

Vietnam President hi an rama dinhmun sang pali zingah tel mah se, ram rorelna kawngah erawh thuneihna sang tak a nei lo. Kumin January thla khan rorellai party chuan Nguyen Xuan Phuc chu a official-ten dan an bawhchhiat leh dik lo taka thil an tih chungchangah mawhphurtua puhin, president a nihna aṭangin an ban a ni.

President atana thlan tlin a nih hnuah Parliament-a thu a sawiah, Thuong chuan an rama eirukna umbo turin theihtawpa a beih tur thu a sawi. Party leh ram mipuiten amah an rinna chu tihhlawhtlin chhoh ngei a tum thu a sawi.