US-in Israel Minister thusawi a dem

Israel finance minister Bezalel Smotrich-a'n Palestinian khua, Hurawa nuaibo vek a ṭul nia a sawi chungchang chu US chuan a dem thu a sawi.

Smotrich hian TV-a thu a sawiah, Hurawa khua chu nuaibo a ngai a, Israel sorkar chuan hma a lak a ngai niin a sawi a ni.

US state department thupuangtu, Ned Price chuan Israel Minister thusawi chu an dem thu sawiin, hei hi Israel leh Palestinian-te inkar buaina nasa zawk chawh chhuah tumna a ni, a ti. Israel prime minister Benjamin Netanyahu leh sorkar official dangte hnenah Minister thusawi an pawmpui loh thu leh, an dem thu mipuite hriatah puang turin a ngen bawk. "Palestinian-ten pawikhawihna an thlen ṭhin kan dem ang bawkin, buaina nasa zawk chawk chhuak thei zawnga thusawi hi kan dem takzet a ni," a ti.

Smotrich leh Israel national security minister Itama Ben-Gver-te hi Palestinian ram luah-a Juda te chenna zuah zel thlawptu an ni a, hei vang hian US sorkar nen pawh an inmil lo a ni.