SKorea leh US-in joint military drill nei leh dawn

North Korea-in nasa taka a vau chungin, South Korea leh US chuan tun thlaah joint military drill lian tham tak neih leh an tum.

Ram pahnihte hian March 13-23 chhungin drill hi an nei dawn tih nimin khan thuchhuah siamin an tarlang. A hmaa joint drill an lo neih tawh chu North Korea chuan a ngaimawhin a sawisel fo a, an ram beihna tura an inbuatsaihna ang hiala puhin, an drill neih chhung hian missile-te enchhinah a lo vau fo tawh a ni.

Nimin khan SKorea leh US hian combined air drill an nei bawk a, American B-1B long-range bomber leh SKorean F-15K leh KF-16 fighter aircraft-te hman a ni tih SKorea defence ministry chuan a sawi.