Pakistan-ah thihchilh bomb puakah sipai 9 an thi

Pakistan chhimthlang lam, Balochistan province-ah nimin khan thihchilh bomb puakah sipai pakua an thi a, mi dang 13 an hliam.

Balochistan-a Kachhi district deputy commissioner, Agha Samiullah chuan pawikhawihna hi nimin zing khan province khawpui, Quetta aṭanga km 150 vela hla, Kachhi district-a Kambir Bridge area-a thleng a nih thu a sawi.

Samiullah chuan provincial police force, Balochistan consta­bulary member 22 chuanna truck chu Quetta pana a tlan laiin thihchilh bomb paitu, motorcyle-a chuang chuan suin, a bomb pai chu a tipuak tih a sawi. Sipai hliamte hi Sibi-a Combined Military Hopsital-ah hruai nghal a ni.

Nimina pawikhawihna thleng hi eng pawl mahin an tih a nih thu an la sawi lo. Mahse Baloch hnam helpawl, Balochistan Liberation Army (BLA) chuan Balochistan gas leh mineral resource-te tihchhiat­sakah puhin, provincial government lakah hun rei tak an lo hel tawh a, nimina pawikhawihna pawh hi an pawl tih nia rin a ni.