Israel sipaiten West Bank an bei, Palestinian 6 an thi
Israel sipaite chuan Palestinian ram an luah, West Bank chu Thawhlehni khan an bei a, Palestinian mi paruk an thih bakah mi dang eng emaw zat an hliam.
Israel sipaite hian West Bank-ah hian kar liam taa Hawaa-a Israel mi pahnih thattu nia puh, kum 49 mi Abdul Fattah Kharushah chu an kaphlum tih an sawi.
Palestinian armed group, Jenin brigade chuan Israel sipaiten refugee camp-a in pakhat an hual chu an lo kahlet thu sawiin, sipaite hian missile hmangin an rawn bei let ve leh a ni. Palestinian health ministry chuan West Bank-a inbeihnaah hian Palestinian mi paruk, kum 22-49 inkar an thi a, mi 12 in hliam an tuar tih a sawi.
Palestinian President Mahmoud Abbas-a thupuangtu, Nabil Abu Rdenen chuan boruak ṭha siam tuma hma lak chhoh a nih mek laia Israel sipaite chet dan chu demin, boruak a tichhe zual zawk a ni, a ti.
Kuminah Israel leh Palestinian-te inbeihna hi a thlen ngun tawh hle a, an inbeihnaah Palestinian 60 chuang thi tawhin, an zinga a zahve aia tam chu firfiakte an ni. Palestinian-te kut tuarin Israel mi 14 an thi tawh bawk.