Nepal President thar atan Ram Chandra Paudel lalut

Nepali Congress hruaitu hlun, Ram Chandra Paudel chu nimin khan Nepal President thar atan rinawmna thu tiamtira lakluh a ni.

Kathmandu-a President's Office, Sheetal Niwas-ah acting chief justice Hari Krishna Karki chuan kum 78 mi, Paudel hi rinawmna thu a tiamtir a ni. President lakluh inkhawmah hian prime minister Pushpa Kamal Dahal, speaker Dev Raj Ghimire, National Assembly chairman Ganesh Prasad Timilsina leh sorkar mi pawimawhte an tel.

Kar liam ta Ningania Nepal President thlannaah Paudel hian a khingpui, Subash Chandra Nembwang a hneh a ni. Paudel hian electoral vote 33,802 hmuin, Nembwang hian 15,518 a hmu. Paudel hi party 10-in an thlawp a, CPN-UML candidate Nembawng hi an party bakah independent MP-ten an thlawp thung.

President thar Paudel hi House speaker pawh ni tawhin, ṭum eng emaw zat minister a lo ni tawh bawk.