Imran Khan manna tur March 16 thleng dansak
Pakistan prime minister hlui, Pakistan Tehreek-e-Insaf (PTI) chairman Imran Khan manna tur tihchhuah chu Islamabad court chuan March 16 thleng atan a dansak.
Imran Khan hi hmeichhie judge Zeba Chaudhry leh Islamabad police official-te vauna ṭawngkam chhakchhuaka puh a nih avangin, Thawhṭanni khan bail theih loha manna tur, non-bailable arrest warrant tihchhuah a ni. Mahse man a nih hmain, nimin khan Islamabad Court chuan March 16 thleng police-ten an man theih loh turin a lo dansak ve leh a ni.
Court chuan Khan hnenah security document thehlut turin a hrilh nghal bawk.
Hetih lai hian Imran Khan chuan Pathianni, March 19 hian Lahore-a Minar-e-Pakistan-ah vantlang inkhawm pui tak neih a tum tih a sawi. He huna tel tur hian mipuite a sawm a, an ram siamṭha tura an vaia an beih tlan a ngai a ni, tiin a sawi.