Myanmar sipaite'n monastery an beihnaah mi 28 an that niin puh

Myanmar sipaite chuan kar liamta kartawpa an ram chhim lam, Shan state-a monastery beiin, mi 28 an that niin insurgent group, Karanni Nationalities Defence Force (KNDF) chuan a sawi.

KNDF-in a tarlan danin, sipaite hian Inrinni tlai dar 4 velah khan Nan Nein khua an kap a, monastery-a tlanchhiate chu an tihlum zui a ni. Video pawh tichhuakin, hetah hian sipai an kahhlum ruangte hi tilangin, an zingah hian Buddisht monk thuam ha pathum an tel. Ruang an tihlanah hian silaia kahna hnuhma eng emaw zat a awm hlawm a, hei bakah silaia monastery bang an kahna laite pawh an tilang bawk.

February 25 aṭang khan sipaiten Nan Nein area leh monastery hi an pan avangin inbeihna pawh a thleng fo tih KNDF chuan a sawi. Nan Neih hi Shan state aṭanga Kayah state panna kawngpui ber a ni a, sipaite hian an ralthuam supply-na kawngpui pawimawh atana an hman a ni.