Russia-in sipai puitu sawiselte jail-a tan tirna tur bill pawm

Russia Parliament chuan sipai tana rawih/chhawrte sawisel leh, an chungchanga thu dik lo thehdarhte chu kum 15 thleng jail-a tan tir theihna tur bill a pawm.

Parliament lower house chuan Russia sipaite pui tura chhawr leh inpe, 'volunteer groups' - Wagner group leh mimalte sawisel khapna leh hremna dan hi a pawm a ni. Russia sipaiten Ukraine-a Bakhmut khawpui an beihnaah, Wagner group hi a hmahruaitute berah an tel a ni.

Lower house chairman Vyacheslav Volodin chuan, "Kan ram leh mipuite himna tura nunna thapa che chhuakte hi sawichhiat leh thu dik lo hmanga an chungthu an sawi mai mai tur hi kan veng tlat dawn a ni," tiin lo sawisel ṭhinte thiltih chu pawmzam mai theih ani lo tih a sawi.

Bill hi Parliament upper house-ah pawh pawm thuai rin a ni a, hemi hnu hian President Vladimir Putin-a'n a hming ziah hnanin, 'law' ah chantir a ni ang.