China, Russia leh Iran-in joint naval drill nei

China, Russia leh Iran navy force-te chuan Nilaini aṭang khan Gulf of Oman-ah joint naval drill an nei tih China defence ministry chuan a sawi. Pathianni thleng a awh ang.

He joint drill hi 'Security Bond-2023' tih a ni a, ram dang pawh an tel niin sawi mah se an hming erawh ministry chuan a sawilang lo.

China defence minis­try chuan joint drill hian navy force-te thawhhona ṭha leh nghet zawk siamna kawngah nasa takin a pui dawn a, boruak muanawm siamna tura hmalakna pawimawh tak a ni, a ti.

Ram pathumte hian kum 2019 khan joint drill hi an lo nei tawh bawk.

Kar liam ta khan China hmalakna hnuaiah Iran leh Saudi Arabia ram chuan inbiakna neiin, an inkar boruak ṭha lo avanga kum sarih chhung zet palai an intirh tawh loh hnuah, palai intirhtawn leh an remti a ni.