Spain lal hluiin an ram chhuahsan

Spain lal hlui, kum 82 mi Juan Carlos chu ei ruk thubuaia inhnamhnawiha puh a nih hnuah an ram a chhuahsan. Juan Carlos hian kum ruk liam taa lalna a hlan, a fapa King Felipe VI   hnenah lehkha thawnin, Spain chhuahsan a tum thu hi a hrilh a ni. Hemi rual hian prosecutor-ten thu an zawhfiah duh chuan a inhawng reng tih a sawi bawk. Khawi ramah nge a awm dawn tih erawh puanzar a ni lo. 

June thla khan Saudi Arabia-a high-speed rail contract thawh chungchangah Juan Carlos hian inhnamhnawihna a nei nia sawiin, Spain Supreme Court chuan a chhui ṭan a ni. Mecca-Medina inkar rel kawng siam hna hi Spanish firm-ten an thawk a ni. 

Juan Carlos hi kum 38 chhung Spain ram lal niin, kum 2014 June thla khan a fapa Felipe VI hnenah a lalṭhut­thleng hi a hlan chhawng a ni. Kum 1939-1975 chhung dictator Franciso Franco rorelna hnuaia an awm hnua Spain rama democracy tundin a nih theihna tura mi pawimawh tak a ni.