Pakistan leh Afghanistan-ah lirnghing vangin mi 12 an thi
Pakistan leh Afghanistan ramah Thawhlehni zan khan magnitude 6.5-a nain lir a nghing a, lirnghingin chhiatna a thlenah mi 12 an thi a, mi 200 chuangin hliam an tuar.
Lirnghin inṭanna hi Afghanistan hmarchhak lam, Pakistan nen an inrina bul, Jhum Valley-ah a ni. Pakistan khawpui, Islamabad-ah pawh lirnghing hi an hre pha a, building ṭhenkhat khi te pawh a awm a ni. Km 1,000 chuanga hla -India, Uzbekistan, Tajikistan, Kazakhstan, Kyrgyzstan leh Turkmenistan-ahte pawh lirnghing hi an hre pha tih European-Mediterranean Seismological Centre chuan a tarlang. Thi zinga pakua hi Pakistan-a Khybver Pakhtunkhwa biala mite niin, Afghanistan lamah mi pathum an thi bawk.
Khyber Pakhtunkhwa-a chhanchhuah hna thawktute chuan, lirnghinin chhiatna a thlen hi an hlauhthawn aiin a nasa lo tih an sawi a, mahse a awmna hmun hi a kilkhawr bakah inkalpawhna a ṭhat tawk loh avangin, harsatna tawkte chhanchhuah leh chhawmdawl hna erawh a chak thei lo tih an sawi.