NKorea-in undersea drone a enchhin

North Korea chuan Thawhlehni aṭanga Ningani chhung khan ralthuam hrang hrang a enchhin a, heng zingah hian "radioactive tsunami" thlen thei undersea drone pawh a tel.

Official Korean Central News Agency chuan cruise missile-te pawh enchhin tel an ni tih sawiin, undersea drone hi tihpuah a nih hmain tuihnuai meter 80-150 a thukah darkar 60 dawn a thang a, an ram khawchhak lam tuipui kamah an tipuak a ni.

KCNA chuan, "Tuihnuaia ralthuam enchhin hi tuipui lam aṭanga min beitute lo beih let theih dan enna niin, hmelmate naval group leh port-te chu tunhnai aṭangin a bei thei dawn a, radioactive tsunami a thlen thei dawn a ni," a ti.

North Korea hian mini suhmarine eng emaw zat nei mah se, tun ṭum hi undersea drone chungchang a sawilanna hmasa ber a ni. Hetianga a ralthuam neih thar a rawn pholan belh hi joint military drill nei mek, US leh South Korea-te a vauna pakhat nia ngaih a ni.