Tenenesse Christian School beihnaah mi 6 kaphlum

US-a Tennessee state khawpui, Nashville-a private Christian school, The Conevant School chu Thawhṭanni khan mi pakhatin beiin silaiin a pawng kah a, zirlai naupang pathum leh staff pathum a kaphlum. Pawikhawihtu hi police-ten an kaphlum zui ve bawk.

School beitu hi kum 28 mi niin, he school-a zirlai hlui, Audrey Elizabeth Hale a ni. A pawikhawih hnua a chenna in an dapnaah silai dang pawh hmuh niin, school awmdan, entry point awmna laite chiang deuha a ziahna map pawh hmuh a ni bawk. School a beihnaah hian silai pathum kengin, semi-automatic rifle pawh a tel.

Hale hian a hma lamin criminal record engmah a nei lo a, a school kalna hlui a beihna chhan hi hriatchian a la ni lo. School luhna kawngka an kalh chu silaia kapchhiain a lut a, zirlai leh staff awmte chu a pawng kah zui a ni.

The Convenant School hi Covenant Presbyterian Church-in kum 2001-a a din niin, naupang kum 3-11 inkarte kalna a ni a, zirlai 200 vel an nei. Zirlai pahnih pathum thite hi kum 9 mi vek an ni. Staff pathum thite hi kum 61 mi pahnih leh kum 60 mi pakhat an ni.

US-ah hian silai hmanga school beihna hi a thleng zing hle a, kuminah pawh school-a inkahna hi ṭum 89 zet a thleng tawh. Nikum khan ṭum 303 thlengin, kum 1970 hnua a thlen ngun ber ṭum a ni.