Russia-in military exercise nei

Russia sipai sang rualte chuan nimin aṭang khan Yars intercontinental ballistic missile system nen military exercise an nei. Russia hian nuclear ralthuam a neih ṭhat zia pholan a tumna pakhat niin mi ṭhenkhat chuan an ngai.

President Vladimir Putin chuan Topol system thlakna atana an hman, Yars missile system hi an ralthuam hlauhawm zingah telh chhoh a tum a ni.

Defence ministry chuan military exercise-ah hian sipai 3,000 vel an tel a, hmarua chi hrang 300 vel an hmang tih a sawi. Drill an neih chhung hian Yars mobile system chuan Russian region pathumte chu a endik kual dawn tih a sawi a, mahse eng region-te nge tih erawh a sawilang lo.

Nikum February thlaa Ukraine a run hnuah, Russia hian an ram chhung leh ram dang, China leh South Africa-ah military exercise hi ṭum eng emaw zat a lo neihpui tawh a ni. An ram ṭhenawm, Belarus-ah pawh sipaite hi training tam zawk neihpuiin, nikum chhung khan military drill pawh a lo neihpui fo tawh bawk.