Italy-in official communication-ah English hman khap dawn

Italy prime minister Giogia Meloni-i party, Bothers of Italy in dan siam thar a rawtah, Italian zingah official communication atan English ṭawng leh foreign word ṭhenkhat hman khap a, a hmang luite chu euro 1,00,000 thleng chawitir a rawt.

Bill hi lower chamber member Fabio Rampelli-a'n pu lutin, PM Meloni pawhin a thlawp a ni.

Public adminstration-a nihna pawi­mawh chelh chin chuan ziak leh ṭawngah pawh Italian ṭawng an thiam nal tur a ni tiin bill-ah hian tarlan a ni. Foreign company-te pawhin an policy leh employment contract pawh Italian ṭawnga an dah tel vek a ngai bawk ang. Bill hi putluh ni mah se, Parliament-a sawiho a la ni lo.

Italian chu office zawng zawngah primary language-ah hman tur a ni a, hei hian Italian ṭawng hmang lo foreigner hnathawkte pawh a huam vek ang. An ram chhunga public goods and services-ah Italian ṭawng chu hman leh chawilar vek tur tih a ni bawk. Dan zawm lote chu euro 5,000 aṭanga 1,00,00 thleng chawi tir theih an ni dawn a ni.