Taliban-in UN hnuaiah Afghan hmeichhia hna thawh a khap

United Nations chuan Afghanistan-a rorellai, Taliban chuan Afghan hmeichhiate chu UN hnuaiah hna thawh a khap tih a sawi.

Taliban hian ziakin hriattirna hi tichhuak lo mah se, ṭawngkamin a hrilh nia sawi a ni. Hmeichhiate laka khapna a siam hi pawmzam mai chi a ni lo tiin a sawi bawk. Hmeichhiate tel loin UN hnuaia chhawmdawl hna thawh ṭhinte chu kalpui theih a ni dawn lo, a ti.

Afghanistan-a Taliban-ten thuneihna an chan hnuah hmeichhiate dinhmun a chep chho tawh hle. Higher school leh college-ah hmeichhiate kal chhunzawm a khap bakah, an laichin mipa tel loin km 72 aia thui an zinchhuah khap a ni. Nikum November thla khan park, gym leh swimming pool-ah hmeichhia kal khap a ni bawk.

UN hnuaia Afghan hmeichhia thawh khapna a siam hian ram dang mite erawh a huam lo thung.