US President hlui Trump-a thubuai 34 an siam sak

US president hlui Donald Trump chu Thawhlehni khan Manhattan Court-ah thil dik lo tia puhna thubuai 34 siamsak a ni.

Heng thubuaite hi Trump nen inlaichinna neia insawi, porn star Stormy Daniels hnena kum 2016 US President inthlanna neih hmaa pawisa, USD 1,30,000 a pe nia sawi kaihhnawih vek an ni.

Prosecutor-te chuan pawisa a pe ringawt hi chu dan kalh a ni lo a, mahse Trump hian a pawisa pek hliahkhuhna atan business record dik lo a siam bakah, election law a bawhchhia a ni, an ti.

Kum 76 mi, Trump hi US President ni tawh zinga cirminal trial hmachhawn hmasa ber tur a ni. A thubuai hi nakkum January thlaah ngaihtuah a ni thei dawn niin judge Merchan chuan a sawi.

Hetih lai hian Trump hian nakkuma US President thlanna neih tura Republican party nominee nih tuma beih leh a tum thu a lo sawi tawh a ni.