Macron-a'n Taiwan chungchangah Europe inrawlh loh a duh

Tun hnaia China tlawha zin, France president Emmanuel Macron chuan Taiwan ram chungchangah Europe chu China emaw, US lam emaw ṭang lo turin a duh thu leh, anmahni buaina ni loa inhamtang lo tura a duh thu a sawi.

China chuan Taiwan hi a ram chin niin a chhal a, a ṭul a nih chuan sipai chakna hmang pawhin lak a tum tih a sawi. Hetih lai hian, Taiwan chuan anmahnia ro inrelna ram hran niin an inchhal thung a, US chuan Taiwan lam hi a thlawp a ni.

China aṭanga a zin haw hnua interview a neihah, President Macron chuan Taiwan chungchanga US thusawi zawm emaw, China chetdan thlawp emaw chu Europe tana thil ṭha lo ber tur nia a ngaih thu a sawi. Eurpore chuan a defence industry lam tana fund ṭha zawk dah a, nuclear leh renewable energy siam chhuah tam a, US dollar laka an innghahna tihtlem zawk chu a ṭul thu a sawi bawk.

Marcon hi kar liam ta khan ni thum chamin China-ah hian a zin a ni.