US President Biden-a'n 2024 inthlanah chuh leh a tum thu a sawi

US president Joe Biden chuan kum 2024-a US President thlanna neih tura Democratic candidate nih leh a tum thu a sawi a, mahse official erawh chuan a la puang lo.

April 10-a White House Easter Egg Roll neih hmaa NBC-in a kawmnaah, Biden chuan inthlanah hian chuh leh a tum thu hi a sawilang a ni. Biden leh a vice president, Kamala Harris-te chuan thawkdun leha inthlan hi chuh an tum.

Kum 80 mi, Biden hian nikum November thla khan inthlana chuh leh a tum leh tum loh chungchangah 2023 kumtir lamah thutlukna a siam tur thu a lo sawi tawh a ni. February thla khan a nupui, First Lady Jill Biden chuan campaign a ṭan tur thu a puan thuai a ring tih a lo sawi tawh bawk.

US President atana thlan tlin an nih ṭuma upa ber, Joe Biden hi term tharah thlan tlin leh anih chuan a term hman zawhah kum 86 a ni tawh dawn a ni. Mahse tun hnaia America mipui, Democrats-te huam tela ngaihdan an lakah, a tam zawk chuan Biden hi President term dang chelh tawh lo turin an duh a ni.