Bangladesh PM-in Prothom Alo chanchinbu an ram hmelma tiin sawi
Bangladesh prime minister Sheikh Hasina chuan Bangla ṭawnga nitin chanchinbu tihchhuah, Prothom Alo chu "Awami League, democracy leh Bangladesh mipuite hmelma a ni" a ti.
Prothom Alo chuan naupang kum sarih mi lek chu an rama ei tur indaih lohna leh harsatna thleng chungchang a sawitir a ni, tiin Thawhṭannia Parliament inkhawmah a sawi a ni. "Naupang kum sarih mi lek chu pawisa pein dawt an sawi tir a, a thusawi chu an tichhuak a ni. Hei hi chanchinbu lar takin a ti duh a ni," tiin, Prothom Alo chu kum 2007-2008-a an rama national emergency puan a nih lai khan an tana hlawkna tura remchang laah puhin, mipui thlan chhuah ni lo sorkar thlawpah a puh. "Ram boruak ṭha leh ngelnghet a awm an duh tak tak lo, 2007-a emergency puan a nih lai khan an rawn invawrhsan phah a ni," a ti.