China-ah H3N8 bird flu vangin mi 1 a thi

World Health Organisation (WHO) chuan China ramah bird flu, H3N8 chu hmeichhe pakhatin a thihpui tih a sawi. Mihring zingah bird flu thihpui hmasa ber nia sawi a ni.

WHO chuan bird flu vanga thi hi Guangdong province chhim lama cheng, hmeichhe kum 56 mi niin a sawi. China ramah hian nikum khan mihringah bird flu vei mi pahnih hmuh an lo ni tawh bawk.

Guangdong Provincial Centre for Disease Control and Prevention chuan thla hmasa khan bird flu vei pathumna hmuhchhuah a nih thu hi a lo tarlang tawh a, a thih dan chungchang erawh a sawilang lo. WHO chuan bird flu vanga thi hmeichhia hi natna dang hrang hrang nei tel leh, ar vulhna hmuna awm ṭhin niin a tarlang.

Mihringah bird flu kai hi an vang hle a, a kai lo hmuh tawhte pawhin an taksa lamah harsatna an nei hran lo nia sawi a ni. Bird flu vanga thi hmeichhia hnaivai ho zingah he hri kai hi an awm lo tih WHO chuan a sawi bawk.