Iran sorkarin mi a tih-hlum zat 75% in a pung

Iran sorkarin thi tura chungthu a rel, a tihhlum chu kum 2022 khan a kum hmasa 2021 aiin 75% zetin a pung tih rights group chuan a sawi.

Norway-based Iran Human Rights (IHR) leh Paris-based Together Against Death Penalty (ECPM) chuan nikum khan Iran sorkarin thi tura an chungthu a rel a tihhlum hi mi 582 awmin, kum 2021 khan 333 an awm bawk tih an sawi a, Iran sorkar chu mi tihhlumna khawl, 'execution machine' tiin an sawi.

Muslim hmeichhiate lu khuhna, hijab hmang ṭha loa puha man, kum 22 mi Mahsa Amini chu police kutah a awm laiin a thi a, he thil thleng vang hian Iran ram chhungah lungawi lohna nasa taka lantir zui a ni.

Lungawi lohna lantir vanga man zinga pali chu thiam loh chantirin khaihlum an ni a, hei hi ram hrang hrangte'n an sawisel nasa hle bawk.