NKorea-in ballistic missile model thar a kapchhuak leh : SKorea

South Korea chuan an ṭhenawm ram, North Korea chuan long-range ballistic missile model thar chu nimin khan a kapchhuak leh niin a sawi.

South Korea sipai official chuan nimina NKorea-in a kahchhuah hi tun hnaia North Korean military parade neiha a ralthuam neih thar a pohlan zinga mi kha niin, solid fuel hmang nia hriat a nih thu a sawi. Missile hi km 1,000 vela thui a thlawk niin a sawi bawk.

NKorea missile thar kahchhuah hi eng ang tak nge a ni tih an zirchiang mek tih sawiin, SKorea military official chuan an ram ṭhian, US chuan uluk taka an thlithlai reng thu a sawi. White House pawhin NKorea-in long-range ballistic missile a enchhin leh chu na taka a dem thu a sawi.

Japan chuan NKorea missile kahchhuah avang hian nimin zing khan an ram hmartawp, Hokkaido thliarkar chengte tan warning tichhuakin, missile hi thliarkar bul maiah a tla dawn nia a lan avangin lo inveng lawk turin a hrilh a ni.