Thuhriltu ropui Ravi Zacharias a thi
Pathian thu hriltu ropui leh Kristian thurin humhimna kawnga thawhhlawk tak, Ravi Zacharias chu nimin khan kum 74 mi niin cancer vangin a thi. A nupui Margaret leh a fate pathum a thihsan.
India rama piang, Canadian-American Kristian Zacharias hi kum 48 rawnga bawl hnuah nimin zing khan Atlanta-a a chenna inah a thi a ni.
March thla khan Zacharias hian cancer chi khat, scaroma a neih thu hi a puang a, hemi hma hian a hnung na avangin zai a lo tawk bawk. Houston, Texas-a MD Anderson Cancer Centre-ah chemotherary treatment a la a, treatment hi ṭha takin la mah se tun thla tir lam aṭang khan a dinhmun hi a tlahniam ṭan a ni.
Zacharias hi India ramah seilianin, kum 17 a nihin intihlum a tum avanga damdawi-ina enkawl a nih laiin a piangthar. Hemi hnu aṭang hian midangte hnenah Krista Chanchinṭha a hril zui a ni. Kum 19 a nihin Asian Youth Preacher Award a dawng a, kum 1984 khan Ravi Zacharias International Ministries (RZIM) a din bawk. Kum 48 rawngbawl hna a thawh chhung hian ram 70 chuangah thu a sawi hman a ni.