US sipaiten al-Qaida Yemen hotu an that

United States (US) president Donald Trump chuan Al-Qaida-in the Arabian Peninsula (AQAP) founder leh leader, Qassim al-Rimi chu US sipaite'n an that tih a sawi. 

AQAP hian Pathianni khan Florida-a US Naval Air Station Pensacola beiin, Saudi Air Force officer chuan American sailor pathum a kaphlum a ni. Pawikhawhtu hi police-te'n an kaphlum ve nghal bawk. US chuan AQAP chu khawvela Islam firfiak pawl zinga branch hlauhawm berah a ngai a ni. 

President Trump chuan Rimi thah a nih chuan AQAP leh khawvel puma Al-Qaida dinhmun pawh a nghawng hle dawn tih sawiin, heng firfiak pawlte nuaibo tura an beihna kawngah hma an sawn zel tih a sawi. 

Rimi thah a nih hun leh beih a nih dan kim­chang hi puanzar a la ni lo.