South Sudan Vice President-in Covid-19 kai

South Sudan vice-president, Riek Machar chu Covid-19 a kai tih finfiah a ni a, a nupui defence minister Angelina Teny, a bodyguard leh official ṭhenkhatin an kai ve bawk.

Machar hi hri kaite natna rawn lan chhuahna amahah a awm lo nia sawi a ni a, damdawiinah enkawl kher ngai loin inah ni 14 chhung a inkhunghrang dawn a ni. 

Hri a kaina hi Covid-19 hri dona kawnga task force zinga member pakhat hnen aṭangin a nih rin a ni. Vice president hi kar liam ta thleng khan tast foce member-ah a tel vel a, mahse task force lama a thawhpui zinga pakhat chuan hri hi a kai a, a hnen aṭang hian a kaichhawng ve nia rin a ni. 

South Sudan-ah hian Covid-19 hri kai hi mi 290 an awm tawh a, heng zinga mi 4 chu enkawl dam an ni tawh a, he hri vanga thi hi mi 4 an awm bawk.