Taiwan-in US anti-ship missile 400 a lei dawn

Taiwan chuan China vauna a tawh mek karah, US aṭangin land-launched Harpoon missile 400 a lei dawn. A hmain ship-launched version a lo lei tawh bawk.

Kum 2020 khan Taiwan chuan a sipaite thuam chakna atan, Boeing siam land-based Harpoon anti-ship missile a lei tur thu hi a lo puang tawh a ni.

April 7 khan Pentagon chuan anti-ship missile 400 supply-na tur con­tract, USD tld 1.17 hu an ziah thu a sawi tawh a, mahse missile leitu tur erawh a sawilang lo. Heng anti-ship missile-te hi kum 2029 March thlaah supply kim hman beisei a nih thu a sawi. Inremna an siam dan kimchang hi sawilang lo mah se, US chuan Taiwan tan an invenhimna tihchakna turin defence article leh service-te chu a ṭul angin remchang a siamsak zel tur thu Pengaton chuan a sawi.

Taiwan Defence Minis­try thupuangtu Sun Li-fang chuan defence hmanrua an lei tur hi ministry pawhin a lo sawi tawh a, inremna an siam pawh hi an ruahman lawk angin an kalpui theih ngei a beisei tih a sawi bawk.