Myanmar-ah ruihhlo tam tham tak an man

Myanmar police-te chuan February-April thla chhunga beihpui an thlaknaah Shan state-ah ruihhlo tam tham tak man a ni tih an sawi. Hei hi an ram chanchina ruihhlo dona beihpui an thlak tawha an hlawhtlinna pui ber nia sawi a ni. 

Sipaite puihnain February 20 leh April 9 inkar khan Shan state-a Kutkhai biala Lwe Kham khua leh a chhehvelah beihpui hi an thlak a ni. 

Beihpui an thlaknaah hian ruihhlo methamphetamine ton maktaduai 17.4; crystal methampheramine kg 500; ephedrine kg 630; methyl fentanyl liter 3,748.5; heroin kg 292; opium kg 588; morphine kg  49, ketamine kg 6.8 bakah percursor leh pre-percursor chemical ton 35.5 leh litre 163 an man a, mi 33 man tel an ni bawk.