Myanmar Supreme-in Suu Kyi-i appeal-na ngaihtuah a remti

Myamnar sipai sorkar hnuaia Supreme Court chuan an ram hruaitu paihthlak tak, Aung San Suu Kyi-i'n eirukna, election leh state secret law bawhchhiaa puhna thubuaia thiam loh chantir a nih chungchang a appeal-na chu ngaihtuah a remti.

Kum 77 mi, Suu Kyi-i hi sipaiten thuneihna an chan hnuah thubuai tam tak siamsak niin, heng a thubuaiahte hian thiam loh chantir vek a ni.

Hremna hrang hrang an pekah hian tang tura hremna hi kum 33 chuang a tling bawk. Suu Kyi chuan an puhnate hi thu dik lo vek a nih thu leh, sipaiten a political career tihtawpsak an tumna niin a sawi.

Supreme Court chuan Suu Kyi-i appeal na hi ngaihtuah remti mah se, hearing neih huntur erawh a la ruat lo. Thla hnih chhung chuan a ngaihtuah hman beisei a ni.