Bangladesh President thar atan Mohammad Shahahuddin lalut

Veteran politician Mohammed Shahabuddin chu nimin khan Bangladesh President 22-na atan rinawm­na thu tiamtira lakluh a ni.

President thar lakluh inkhawm hi prime minister Sheikh Hasina leh a cabinet minister-ten an telpui a ni. Speaker Shirin Sharmin Chaudhury chuan kum 73 mi, Shahabuddin hi Banga­bhaban-a Durbal Hall-ah rinawmna thu tiamtirin a lalut.

February thlaa President thar thlanaah khan Sha­habuddin hi rorellai, Awami League candidate a ni a, chuhtu awm loin thlan tlin a ni.

Bangladesh hmarthlang lam, Pabna district chhuak Shahabuddin hi district judge hlui a ni a, Anti-Corruption Commission-ah pawh commissioner a lo ni tawh bawk. Politics a luhchilh hnuah Awani League zawmin, Awami League Advisory Council member a ni. Mahse President atana thlan tlin a nih tak avangin party-a a nihna neihte hi a chawhlsan a ngai tawh ang.

Bangladesh electoral system chungchangah rorel­lai, Awamin League leh eptu pawl lian ber, Bangladesh Nationalist Party (BNP)-te ngaihdan a in an loh avangin buaina awm fo mah se, Bangladesh inthlanpui hi kumin December emaw, nakkum January-ah emaw buatsaih a ngai dawn a ni.