Amah zuitute thih thlenga chaw nghei tura titu Kenya Pastor man
Kenya rama kohhran pakhat, Good News International Church pastor Paul Makenzi chu amah zuitute hnenah an thih thlenga chaw ngei tura a hrilh avangin Kenya police-ten an man.
Police-te hian pastor-in amah zuitute a zirtir dan chungchang hriattir an nih ni, April 14 khan pastor Makenzi hi an man a, kar liam ta khan Malindi-a pastor chenna hmun leh a chhehvel dapin a ram chhungah hian ruang 39 haichhuah a ni. Good News International Church-ah chaw nghei vanga thi hi mi pali dang an awm bawk a, pastor zirtirna avanga thi hi mi 43 an tling a ni.
Pastlor Makenzi zuitute chuan Isua an hmuh theihna atan pastor hian an thih thlenga chaw nghei turin a zirtir tih an sawi.
Kum 2019 leh kumin March thla khan naupang thihna kaihhnawihah pastor hi man a lo ni tawh bawk a, mahse heng case pahnihah hian 'bond' -a chhuahtir a ni. Tun ṭumah hi chuan chhuah mai tawh lo turin tualchhung mite'n an ngen a ni.