US health secretary Taiwan-ah zin dawn
US Health and Human Services (HHS) Secretary Alex Azar chuan Taiwan a tlawh dawn tih Thawhlehni khan tarlan a ni a, China erawh a lawm lo hle.
Tun hma aṭangin China hian Taiwan hi a ram bial pakhatah chhal a, a lo ta neih tawh a nih avangin US health secretary zin tur chungchangah hian a lawm lo a ni. Taiwan-a Azar a zin chhung hian president Tsai Ing-wen a hmu dawn tih Taiwan Foreign Ministry chuan a tarlang.
Azar hi Covid-19 dona kawnga Taiwan sorkar hmalakna kawnga pui turin a kal dawn a, Taiwan ram mipuite hriselna in hma a sawn theih ngei a beisei thu a sawi. Azar hi US Centers for Disease Control and Prevention-a chief medical officer Mitchell Wolfe chuan a zui dawn a ni.
April thla khan Azar leh Taiwan Health Minister Chen Shih-chung chu phone hmangin an lo inbe tawh a, an rama health dinhmun chungchang leh Azar zin theih dan tur chungchang an sawi a ni. Kumin March thla khan Trump chuan dan thar a siam a, he dan thar hi Taiwan puihna leh ṭanpuina lampang a ni. Hei hi China chuan a duh lo hle thung.
Taiwan Foreign Ministry chuan US health lamin an tlawh tur chungchangah hian ram pahnihte chuan inkungkaihna ṭha leh inṭhianṭhatna an neih belh ngei a rinawm thu a tarlang.