Sri Lanka-ah anti-terrorism bill duh lohna lantir

Sri Lanka sorkarin Prevention of Terrorism Act (PTA) of 1979 thlakna atana Anti-Terrorism Act (ATA) thar a siam duh lohna lantirin, nimin khan an ram hmarlam leh khawchhak lam province hrang hrangah Tamil party, Tamil National Alliance-in lungawi lohna an lantir.

April 1 khan prime minister Dinesh Gunawardena chuan counter-terrorism law thar hi tun thla chhung ngeia pharh a nih tur thu a lo sawi tawh a ni.

Hetih lai hian ATA hi a thlak tur, PTA aia ṭha lo zawk nia sawiin trade union leh political party hrang hrang chuan a sawi. ATA hnuaiah hian an dikna chanvo hnuaiah nawrh huaihawt vang ringawt pawhin firfiak zawnga chea puhna thubuai siamsak an ni thei dawn a ni, an ti. Sri Lanka epty party-te chuan he dan thar siam tum duh lohna lantira lungrual taka hma lak an rel.

Justice minister Wijeyadasa Rajapaskhe chuan nimin khan Parliament-ah bill hi pharh tum mah se a pharh hman lo a,mahse sorkar chuan tun kar chhunga pharh a tum tih a sawi.