Nepal-in Mount Everest lawn phalna 454 pe chhuak tawh

Nepal sorkar chuan kumin atan Mount Everest lawn phalna mi 454 hnenah a pe chhuak tawh.

Tourism department hotu, Bigyan Koirala chuan an department-in permit a pek chhuah tam ber ṭum a ni tih sawiin, a la pun belh mai theih thu a sawi bawk. Everest tlang lawn ṭhin zinga a tam zawk hian tlang chhip lawn turin Nepali guide an ruai tel ṭhin. Hei vang hian peak climbing season, April - May inkar hian Everest tlang chhip lawn chhuah tum hi mi 900 chuang an awm dawn a ni. Tlang lawn tum an tam lutuk hian tlang chhip an panna lamah inhnawh tawtin harsat­nate a awm phah ṭhin.

Kum 2019 khan tlang lawn an tam avangin a chhip lawn thleng turin darkar tel an innghah a ngai a, kawng lakah hun an khawhral hnem avangin tlang lawn zingah oxygen tlakchham avanga chau leh dam lo te an awm phah a ni. Hemi kum hian Everest tlang lawn chhuah tum zinga mi 11 an thi a ni.

Kumin atana tlang lawn phalna pek zinga mi 96-te chu China mi niin, US mi 87-te pek an ni bawk.