Covid-19 vanga thi nuai 7 chuang tawh
Second 15 danah hri vangin mi pakhat thi zel
Khawvela puma hripui leng mek, coronavirus vanga thi chu nimin thleng khan mi nuai sarih an chuang tawh. US, Brazil, India leh Mexico-te chu hripui vanga thi tamna ram an ni. Kar hnih liam ta chhunga khawvel dinhmun chhutin, darkar 24 chhungin mi 5,900 dawn Covid-19 vanga thi awm zel ang an ni a, darkar khatah mi 247 thi awmin, second 15 danah hripui vang hian mi pakhat thi zel ang a ni.
US-ah Covid-19 vang hian mi 1,55,000 chuang an thi tawh a, mahse President Donald Trump chuan an rama hri leng chu khuahkhirh ṭan a ni tawh tih a sawi. US-ah hian hri kai hmuh chhuah tawh hi maktaduai 4.75 an tling tawh.