Pakistan Army Chief-in China a tlawh

Pakistan Army chief general Asim Munir chu ni li cham turin nimin khan China-ah a zin a, defence lama thawhdunna nghet leh zau zawk siampui a tum dawn a ni.

Gen Munir hi nikum Novemeber thlaa Pakistan Army hotua dah a nih hnuah ram pawn lama a zinchhuah ṭum lina a ni. January thla khan Saudi Arabia leh United Arab Emirates (UAE) a tlawh a, February thlaah Britain defence ministry sawmna angin UK a tlawh bawk.

Army media wing chuan thuchhuah siamin, ram pahnih sipaite thawh­dunna nghet zawk siam turin sipai hotu lu ber hi China ramah a zin tih sawiin, a thil tih turte erawh kimchangin a tarlang lo. Pakistan Army chief-te hian ruat a nih aṭanga reilotea China ram tlawh hi tihdan ṭhanah an lo nei tawh a ni. Tun ṭum hi an ram chhung buaina avangin a zin har zawk nia ngaih a ni.