Russia-China Circus Festival buatsaih
Russia-in Ukraine a run hnuah, khawthlang ramte chuan Russia nena an inzawmna neihte tichatin, Russia ram hrekna hrang hrang an siam tawh a ni. Hetih lai hian Russia ṭhianṭha nia sawi, China leh Russia ram inzawmna erawhin ṭhat lam a pan zel zawk thung.
Russia rama khawpui lian pahnihna, St. Petersburg-a Friendship" Russia-China Circus Festival neih chu Inrinni khan an zo. He hunah hian ram pahniha circus group 40 chuang aṭangin mi 600 an tel a, an zingah hian khawvel huap circus award lo dawng tawh eng emaw zat an tel. Heng pawl hrang hrang hian acrobatics, martial art, aerial gymnastics leh a dangte an lantir a ni.
St. Petersburg Committee for Culture chairman Fyodor Boltin chuan an festival buatsaih hi Russia leh China inlaichinna tihnghhetna leh, cultural exchang lama thawhdunna zau zawk siamna tur a ni tih a sawi.