APU-in US Mideast peace plan hnawl

Arab Inter-Parliamentary Union (APU) chuan US president Donald Trump-an a puanzar tak, US Middle East peace plan chu an hnawl tih an sawi. 

Kar liam ta Inrinni-a Jordan khawpui, Amman-a APU hnuaia Arab ram 20 aiawhten 30th emergency meeting an neihah, US Mideast peace plan hi an pawm lo tih an sawi a ni. 

Jordan Lower House Spea­ker Atef Tarawneh chuan Israel-in Palestinian ram a luahsak chu US hian a pawmpui tlat avangin, Palestinian-te buaina chungchang chinfel hi a harsa tih a sawi. Palestinian-ten an pawm theih loh ruahmanna siam chuan eng thil mah a chingfel thei dawn lo, a ti. 

Jordan prime minister Omar Razzaz pawhin tuna Palestinian dinhmun thlirin, Arab ramte chu an thawhho ṭhat a ngai tih a sawi bawk. 

Palestinian National Coun­cil chairman Salim Zanoun chuan inremna siamna tura US ruahmanna siam chuan Palestinian refugee-te chung­chang a ngaihthah bakah, Jeru­salem pum chu Israel khawpui atana a pawmsak avangin, thil ṭha lo tak a ni a, hnawl a ni, a ti.