Thailand PM candidate Shinawatra-in fa nei

Thailand inthlan neih tura eptu pawl, Pheu Thai party hruaitu leh an party prime minister candidate, Paetongtarn Shinwatra chuan fapa a nei. Thailand inthlan neih tur hi kar hnih chauhin a dang tawh a ni.

Kum 36 mi, Shinawatra hian a fa neih thu hi a social media-ah tarlangin, thlalak pawh a dah tel bawk. Ni rei lote hnuah media lam hmachhawn turin a taksa chu a chak leh thei dawn tih a sawi tel nghal a ni.

Inthlanpui hi May 14 hian an nei dawn a, hei vang hian rai puar rit tak a nih thlengin Shinawatra hi a campaign ngawrh hle. Prime minister atana duhtu pawh an tam a, Parliament lower house inthlan lo awm turah pawh a kaihhruai party hian seat an lak hnem ber rin a ni bawk.

Shinawatera hi prime minister hlui leh billionaire Thaskin Shinawatra fanu naupang ber a ni. A pa hi kum 2006 khan sipai chakna hmangin, eiruk kaihhnawih thil avangin paihthlak a ni a, hemi hnu hian himna zawngin ram dangah a tlanchhe zui a ni. Shinawatra chhungkua hi an ram hmar leh hmarchhak lam thingtlang bialah an tla na hle a, kum 2001 aṭang khan henglai hmuna seat tam zawkah hian an chhungkaw kaihhnawihte an la tling zel a ni.