May 6-ah King Charles III lallukhum khumtir dawn

Queen Elizabeth II fapa upa ber, King Charless III chu May 6 hian London-a Westminster Abbye-ah lallukhum khumtir a ni dawn ta.

Kum 74 mi, King Charles hi nikum September thlaa a nu, Queen Elizabeth a thih hnu khan Britain lal atan dah zui a ni. Mahse official-a lallukhum khumtirna leh a lawmna chu May 6 hian neih a ni chauh ang. A nupui, Queen Consort chu lalkhukhawm khumtir a ni ve ang.

Kum 1066 aṭang khan Westminster Abbey hi lallukhum khumtirna hmun atan hman ziah a ni. Abbey sak a ni hma chuan hmun remchang apiangah hman niin, Bath, Oxford leh Canterburry-ahte hman a lo ni tawh.

King Charles III hi Westminster Abbey-a lallukhum khumtir 40-na a ni ang. A hmasa ber chu kum 1066 Krismas Ni-a khumtir, William the Conqueror kha a ni.

Coronation hi Earl of Marshal in a buaipui ṭhin a, mahse kum 1386 aṭangin Duke of Norfolk kutah dah a ni. King Geogre III hnuah Britain lal thar lallukhum khumtirna hun hi May leh September thla inkar zelah neih a ni ṭhin.

King hi kum 1300-a Edward I tana chair siamah, St Edwards' Chair tihah ṭhuin, kum 1661-a siam St. Edward's Crown khumtir a ni dawn. He lallukhum hi pound 4 leh ounce 12, kg 2.2 vela rit niin, solid gold-a siam a ni. King Charles II aṭang khan coronation apiangin St Edward's Crown hi hman a la ni a; ruby, amethyst, sapphire, sanet, topaze leh tourmamline gem-a chei a ni.

Queen Consort chu Queen Marys Crown khumtir a ni dawn a, kum zabi 18-na hnu lama Consorts crown hman lehna hmasa ber tur a ni bawk.