Activist-te tana ram hlauhawm Brazil leh India

UK-based Business & Human Rights Resource Centre-in nimina report a tihchhuahah, kum 2022 chhunga activist-te tana ram hlauhawm berah Brazil a dah.

Human rights leh labour activist-ten beih leh tihnawmnah an tuar tamna ram 63 list chu report-ah hian tarlan niin, Brazil chu a chung berah awmin India leh Mexico ramin an dawt.

Brazil-ah hian nikum chhung khan acti­vist-ten ṭum 63 beih an tawk a, India-ah ṭum 54 leh Mexico-ah ṭum 44 a thleng.

Cambodia-ah activist-te beihna ṭum 40, Philippines-ah 32 leh Honduras-ah 31 thlengin, Belarus, Peru, Colombia leh Uganda ramah inbeihna hi ṭum 17-28 inkar a thleng bawk.

Business & Human Rights Resource Centre chuan nikum chhunga khawvel ram hrang hranga activist-te beihna ṭum 550 chuang thleng zinga 75% chu ram inchuh, climate or environmental rights niin, beih tawk zinga hmun ngaa ṭhena hmun khat hi indigenous activist-te an ni.