President Putin-a'n Victory Day parade hmannaah thu sawi

Russia president Vladimir Putin chuan nimina Moscow Red Square-a Indopui II-naa German Nazi-te an tlawmna champha, Victory Day parade neihnaah thu sawiin, khawthlang ramte chuan Russia laka indona tak tak an kalpui mek a ni, a ti.

Ukraine nena an indo meknaah khawthlang ramte chu a mawphurtuah puhin, Russia chuan a ram venhim hna a thawk a ni, a ti. Russia chuan boruak ṭha leh muanawm awm zel a duh a, mahse khawthlang ramte chuan huatna leh Russia hlauhna chi an thehdarh thung a ni, tiin Putin chuan a sawi.

Russia hian Victory Day a lawm hma lawk, Thawhṭanni zan khan Ukraine chu cruise missile 25 in a kap. Heng zinga a tam zawk chu Ukraine khawpui, Kyiv khawpui beihna atan kah a ni. Mahse Ukraine chuan Russia missile 25 zinga 23 chu an lo kahthlak sak tih an sawi a ni. Hei hi zan hnih a zawna air strike a neihna a ni.

Nimina Moscow-a Victory Day parade neihah hian kum danga an lo tih tel ṭhin, warplane flyover chu telh a ni lo a, khawpui ṭhenkhatah pawh parade hi ṭhulh niin, hei hi security lam venthawn thil vang a ni tih

an sawi.