New Zealand-ah tuilian vangin emergency puang

New Zealand rama khawpui lian ber, Auckland chuan ruahsur nasa avanga hmun hrang hranga tui a len avangin khawpui chhungah state of emergency a puang.

Ruahsur leh tuilian vang hian car tam tak an tangkhang a, thingkungte a tluk bakah rel service pawh a khaihlak bawk.

He khawpui hian January thla khan ruahsur nasa vangin harsatna a lo tawk tawh a, thla liam ta khan thlipui, cyclone Gabrielle an lo tuar tawh bawk a ni.

Auckland deputy mayor Desley Simpson chuan chhiatna nasa thleng tawk venna atan emergency chu puan a nih thu leh, disaster response service pawh tirhchhuah a nih thu a sawi. Rescue team hian khawpui hmarlamaa tuilen laia chin hriat loha awm, zirlai pakhat an zawng mek a ni.

January - April thla chhung khan Auckland bial hian kum khata ruahtui a hmuh ṭhin aṭanga 90% vel a dawng ṭhin a ni. Thawhṭanni bik khan hmun ṭhenkhatah chuan darkar khat chhung lekin ruahtui hi 35 mm an dawng hman.

Thuneitute chuan kawtthlerte tuilianin a chim nasat avangin thil ṭul bikah lo chuan motor khalhchhuak lo tur leh, kalchhuak rih lo turin mipuite an ngen.