Mexico-in Covid-19 vaccine siam chhuak ve ta

Mexico chuan Covid-19 vaccine a siam chhuak ve ta tih kar liam ta khan a puang .

US, Europe, China leh India-ten Covid-19 vaccine an siamchhuah leh, ram hrang hrangah vaccine pekchhuah a nih aṭanga kum hnih hnuah Mexico chuan an siam chhuah thu hi an puang ve chauh a ni. He vaccine hi sorkar leh ran vaccine siam ṭhin, Avimex company-te thawkdunin an siam niin, 'Patria' or 'Motherland' tih a ni.

Mexico hian Cuba aṭangin Abadala vaccine a lei a, mahse kum 2022 kumtawp lam leh kuminah vaccine la duh hi an tlakhniam nasat avangin an vaccine lei sa pawh dose maktaduai tel an la nei.

Sorkar hnuaia commission for science and technology hotu, Maria Elena Alvarez-Buylla chuan an vaccine siam thar hi booster shot atan hman a ni dawn tih a sawi a, mahse medical approval agency chuan Patria vaccine hman phalna hi a la pe

lo thung.

Mexico hian Patria vaccine hi kum 2020,March thla aṭangin a siam ṭan a, mahse a enchhinna hi an kalpui muang a, hei vang hian Astra-Zeneca leh Pfizer vaccine bakah, Chinese vaccine dose mtd 225 vel a lei a, nikum September thla khan Cuba aṭangin Abdala vaccine dose mtd 9 a lei bawk.

Covid-19 hripui thihpui hi official-a an chhinchhiah danin mi 3,34,000 an awm a ni.