Khawvel ui upa berin kum 31 a tling

Khawvela ui damlai zinga upa ber, ui dam rei ber ni bawk Bobi chuan Ningani khan kum 31 a tling.

Kumin February thla khan khawvela ui dam rei ber record siamin, Bobi hi Guinness World Records title pek a ni.

Bobi hi kum 1992, May 11-ah a piang a, a piancham lawmna hi vawiin hian a chenna khua, Portugal-a thingtlang khua, Conqueiors-ah neih a ni dawn. Bobi-a neitu, Leonel Costa chuan traditional Portuguese party nena Bobi piancham hi an lawm dawn tih a sawi a, lam thiamte pawh an inlan dawn. A piancham lawmpui tur hian ram dang aṭangin mi eng emaw zat kal an tum.

Leonel chuan Bobi hi a hriselna a ṭha a, check-up pawh a neihpui fo tih a sawi. Bobi hian tlawhtu leh thlalakpuitu a ngah thei hle a ni.