China-in enthlatua puh kum 78 mi damchhung tang turin hrem

China an ram enthlatua puh, US khua leh tui, kum 78 mi John Shing-Wan Leung chu nimin khan dam chhung tang turin a hrem.

Hong Kong permanent residency nei, John Shing-Wan Leung laka thubuai siamsakte hi kimchang taka puanzar a ni lo.

Kum 2021, Apri thla khan US tana enthlak hna thawka puh chung­changah Leung hi Suzhou khawpuiah man a ni.

A thubuai ngaihtuahna hi closed door-ah neih zel a nih avangin, dan kalha thilti, thuruk lakhawm leh an ram security dinhmun tider­thawng tia sorkarin a puhna chungchang bak hriat belh tur a awm lo hle.

Leung hremna pek chungchangah hian US Embassy leh Hong Kong sorkar chuan thuchhuah an la nei lo.