Rel-a Hitler-a thusawi play vangin mi 2 thubuai siamsak

Austria ramah Bregenz-Vienna inkara rel tlanah Adolf Hitler thusawi leh Nazi slogan an tihchhuah vangin mi pahnih thubuai siamsak an ni.

He thil hi Pathiannia thleng kha niin, RailJet 661-ah mi pahnihte hian loudspeaker system-ah Nazi slogan leh Hitler thusawi hi vawi tam tak an ti ri a, rel-a thawktute pawhin tihngaihna an hre lo nia sawi a ni. Vienna an thlen hnuah pawh an play tih an sawi.

Rel-a thil thleng vang hian complaint thehluh nghal niin, thubuai siamsak an ni nghal bawk.

Adolf Hitler kha Austria rama piang a ni a, kum 1913 khan Germany-ah a pem a ni.