Kar 2 hnuah thlawhtheihna tlaa chuang naupang 4 nungdamin hmu
Colombia Amazona ramngaw chhunga thlawhtheihna tlaa chuang zinga mi, naupang pali chu thlawhtheihna chetsual aṭanga kar hnih chuang hnuah nungdama hmuh an ni.
Thlawhtheihna hi May 1 khan tlain, mi pathm an thi a, an zingah hian pilot leh naupangte nu pawh hi a tel. An chetsualna hmun hi ram ngaw chhah tak a ni a, ruang zawn hna hi sipai 100 chuangin thawkin, uifingte pawh an hmang tel a ni.
Thawhṭanni leh Thawhlehni khan sipaite chuan thlawhtheihnaa chuang puitling pathum ruang an hmu a, an zingah hian pilot leh naupangte nu pawh an tel. Naupangte hi hmuh tel an ni mai lo a, mahse ngawrh taka zawn an nih hnuin Nilaini khan nungdama hmuh an ni. An zingah hian nausen, thla 11 mi a tel. Midangte chu kum 13, kum 9 leh kum 4 mi an ni.
Colombia president Gustavo Petro chuan naupangte dam taka hmuh an ni chu lawmawm a tih thu sawiin, engtin nge hmuh an nih dan tihte leh, ramhnuaiah engtinge an lo khawsak erawh a sawilang lo.